Activity

AnbumaniRamadoss.in
13th of October 2018 02:37 PM
Press Meet
AnbumaniRamadoss.in
13th of October 2018 11:08 AM
விழிப்புணர்வு “நேருக்கு நேர்” மருத்துவர் அன்புமணியை கேள்வி கேளுங்கள். நேரலை நிகழ்வு... சேலத்திலிருந்து...
AnbumaniRamadoss.in
12th of October 2018 04:52 PM
நாளை(13/10/2018) காலை11 மணிக்கு சேலத்தில் நடைபெறவுள்ள மாணவர்கள் விழிப்புணர்வு நிகழ்ச்சியை
என்னுடைய இந்த முகநூல் நேரலையில் காணத்தவறாதீர்!!!!!
Message image
AnbumaniRamadoss.in
11th of October 2018 05:23 PM
விழிப்புணர்வு நேருக்கு நேர் நிகழ்ச்சி"

இளைஞர்களே வாருங்கள்
அன்புமணியை கேள்வி கேளுங்கள்!!!!
AnbumaniRamadoss.in
11th of October 2018 02:26 PM
On this day, I strongly believe that every girl child in world have the power to change our world if given equality of opportunity in access to quality #healthcare & #education guaranteed employment, safe & secure environment. Let's celebrate #InternationalDayOfTheGirlChild
Message image
AnbumaniRamadoss.in
10th of October 2018 12:53 PM
தேவாங்கர் கலைக் கல்லூரி ஊழலுக்கு
ஆட்சியாளர்கள் துணை போவதா?

விருதுநகர் மாவட்டம் அருப்புக்கோட்டை தேவாங்கர் கலைக்கல்லூரியின் செயலர் ஆர்.இராமசாமியின் ஊழலை தட்டிக் கேட்ட பேராசிரியர்கள் மற்றும் பிற பணியாளர்களுக்கு செப்டம்பர் மாதத்திற்கான ஊதியம் நிறுத்தி வைக்கப்பட்டிருக்கிறது. ஊழலில் திளைக்கும் கல்லூரி செயலாளருக்கு தமிழக ஆட்சியாளர்கள் துணை போவதும், அவருக்காக ஆசிரியர்களை மிரட்டுவதும் கண்டிக்கத்தக்கதாகும்.

அருப்புக்கோட்டை பகுதியில் உள்ள மக்களின் கல்வி வளர்ச்சியைக் கருத்தில் கொண்டு 1970&ஆம் ஆண்டில் தேவாங்கர் கலைக்கல்லூரி தொடங்கப்பட்டு, அரசு நிதியுதவியுடன் தன்னாட்சி நிர்வாகமாக செயல்பட்டு வருகிறது. ஒரு காலத்தில் கல்விச் சேவையில் ஈடுபட்டிருந்த இந்தக் கல்லூரி, தவறான காரணங்களுக்காக புகழ் பெற்று வருகிறது. கல்லூரி மாணவிகளையே தவறான செயல்களில் ஈடுபடுத்த துடித்த உதவிப் பேராசிரியை நிர்மலா தேவிக்கு ஆதரவாக செயல்பட்டு வந்த கல்லூரி செயலாளர் இராமசாமி, அவரது பதவிக்காலம் முடிவடைந்த பிறகும் கல்லூரியை கபளீகரம் செய்யத் துடிக்கிறார். அவருக்கு எதிராக ஆசிரியர்கள் போராட்டம் நடத்தி வருவதால் கல்லூரி நிர்வாகம் முடங்கிக் கிடக்கிறது.

தேவாங்கர் கலைக் கல்லூரியின் செயலாளர் இராமசாமியின் பதவிக்காலம் 09.08.2018 அன்றுடன் முடிவடைந்து விட்ட நிலையில், தாமே தொடர்ந்து அந்த பதவியில் நீடிப்பதாக அறிவித்துக் கொண்டார். அவர் பதவியில் தொடருகிறாரா... அவரது நிர்வாகத்தின் கீழ் செயல்பட வேண்டுமா? என்று விளக்கம் கேட்டு கல்லூரி கல்வி இயக்குனருக்கும், இணை இயக்குனருக்கும் கல்லூரியின் முதல்வர் பாண்டியராஜன் கடிதம் எழுதி இரு மாதங்களாகியும் இதுவரை எந்த பதிலும் இல்லை. இதனால் ஏற்பட்ட குழப்பத்தைப் பயன்படுத்திக் கொண்டு, தாம் அதிகாரத்தில் இல்லாத காலத்தில் 4 பேரை பணி நியமனம் செய்துள்ளார். அதற்கு முன்பாக ஆசிரியர்கள், ஆசிரியரல்லாத பணியாளர்கள் என 11 இடங்களை நிரப்பியுள்ளார். இப்பணியிடங்கள் எந்த விதிமுறைகளையும் பின்பற்றாமல் லஞ்சம் வாங்கிக் கொண்டு நிரப்பப்பட்டுள்ளன. இதற்கான நியமனக் கடிதங்களில் முதல்வரை மிரட்டி கையெழுத்து பெற்றதாகவும் குற்றஞ்சாட்டப்படுகிறது.

அதுமட்டுமின்றி, சுயநிதிப் பிரிவில் குறைந்த ஊதியத்தில் பணியாற்றும் பலரிடம் அரசு உதவி பெறும் பிரிவில் பணி நியமனம் வழங்குவதாக தலா ரூ.5 லட்சம் வாங்கி ஏமாற்றியுள்ளார். இதேபோல் ஏராளமான முறைகேடுகளை செய்திருப்பதுடன், பேராசிரியர்கள் உள்ளிட்ட பணியாளர்களை மிகவும் தரக்குறைவாக நடத்துவதாகவும் குற்றச்சாற்று எழுந்துள்ளது. பதவிக்காலம் முடிவடைந்த பிறகும் நிர்வாகப் பொறுப்பை ஒப்படைக்காத செயலாளர் இராமசாமியைக் கண்டித்து கடந்த செப்டம்பர் 17&ஆம் தேதி முதல் 19&ஆம் தேதி வரை போராட்டம் நடத்தியும் எந்த பயனும் இல்லை. இதைத்தொடர்ந்து செப்டம்பர் 19&ஆம் தேதி நடைபெற்ற நிர்வாகக் கூட்டத்தில் எடுக்கப்பட்ட முடிவின்படி செயலர் இராமசாமியின் அறை பூட்டப் பட்டது. இதுகுறித்த தகவல் கல்லூரிக் கல்வி இயக்குனர், இணை இயக்குனருக்கும் தெரிவிக்கப்பட்டது.

ஆனால், அரசுத் தரப்பில் இதுதொடர்பாக பேச்சு நடத்த வந்த அனைவரும் செயலாளர் பதவியில் இராமசாமி நீடிக்க அனுமதிக்க வேண்டும் என்று மட்டுமே கூறினார்கள். பணியாளர்களின் மற்ற கோரிக்கைகள் குறித்து அவர்கள் எதுவும் கேட்கவில்லை. ஆனால், செயலாளராக இராமசாமி நீடிக்க ஆசிரியர்கள் ஒப்புக்கொள்ளாததால், அவர்களைப் பழிவாங்கும் நோக்குடன் அரசு உதவி பெறும் பிரிவில் 50 ஆசிரியர்கள், 20 ஆசிரியரல்லாத பணியாளர்கள் மற்றும் சுயநிதிப் பிரிவு ஊழியர்களுக்கு கடந்த மாத ஊதியம் நிறுத்தி வைக்கப்பட்டுள்ளது. இதன் பின்னணியில் இராமசாமியின் சதி தான் உள்ளது.

சட்டப்படி பார்த்தால் தேவாங்கர் கலைக்கல்லூரியுடன் எந்தத் தொடர்பும் இல்லாத இராமசாமி இந்த அளவுக்கு ஆட்டம் போடுவதற்கு ஆட்சியாளர்களும், அதிகாரிகளும் அவருக்கு துணையாக செயல்படுவது தான் காரணம் என்று கூறப்படுகிறது. தேவாங்கர் கல்லூரியில் அரசு உதவி பெறும் பிரிவில் ஏராளமான ஆசிரியர் பணியிடங்கள் நிரப்பப்பட வேண்டியிருப்பதாகவும், அவற்றை நிரப்பும் வரை இராமசாமியை செயலாளர் பதவியில் தொடர வைக்க ஆட்சியாளர்களுக்கு பெருந்தொகை கையூட்டாகக் கொடுக்கப்பட்டிருப்பதாகக் கூறப்படுகிறது. கல்வி நிறுவனங்களில் கண்டிப்பாக கடைபிடிக்க வேண்டியது ஒழுக்கம் ஆகும். அதற்கு முற்றிலும் எதிரான வகையில் உயர்பதவிகளில் உள்ளவர்களின் பாலியல் தேவைகளை நிறைவேற்றுவதற்காக மாணவிகளை பயன்படுத்த முயன்ற உதவிப் பேராசிரியை நிர்மலாதேவிக்கு ஆதரவாகவும், பாதுகாப்பாகவும் செயல்படுபவர் தான் இந்த இராமசாமி. நிர்மலா தேவியைக் காப்பாற்றி அவருக்கு மீண்டும் பணி வழங்க வேண்டும் என்றும் துடித்துக் கொண்டிருப்பவர். அப்படிப்பட்ட ஒருவரிடம் தேவாங்கர் கல்லூரியை அடகு வைக்க ஆட்சியாளர்கள் துணைபோவதை ஏற்க முடியாது.

அருப்புக்கோட்டை தேவாங்கர் கலைக்கல்லூரியில் கடந்த சில ஆண்டுகளில் செய்யப்பட்ட பணி நியமனங்கள் குறித்தும், அதில் கல்லூரி செயலர் இராமசாமிக்கு உள்ள தொடர்பு குறித்தும் விசாரணை நடத்தப்பட வேண்டும். கல்லூரி நிர்வாகம் யாருக்கு என்பதில் உள்ள சிக்கல்கள் களையப்படும் வரை கல்லூரி நிர்வாகத்தை தற்காலிகமாக அரசே ஏற்று நடத்த வேண்டும் என தேவாங்கர் சமுதாய பிரதிநிதிகள் கோரியிருப்பதால் அதையும் தமிழக அரசு பரிசீலிக்க வேண்டும். அதற்கு முன்பாக ஆசிரியர்கள் மற்றும் பிற ஊழியர்களுக்கு உடனடியாக செப்டம்பர் மாத ஊதியம் வழங்கப்பட வேண்டும்.
Message image
AnbumaniRamadoss.in
7th of October 2018 12:16 PM
06/10/2018 அறிக்கை

துணைவேந்தர் நியமன ஊழல்: இனியாவது
தமிழக ஆளுனர் நடவடிக்கை எடுப்பாரா?

தமிழ்நாட்டில் அரசு பல்கலைக்கழகங்களுக்கு துணைவேந்தர்களை நியமிப்பதில் மிகப்பெரிய அளவில் ஊழல்கள் நடைபெற்றதாக தமிழக ஆளுனரும், பல்கலைக்கழகங்களின் வேந்தருமான பன்வாரிலால் புரோகித் கூறியிருக்கிறார். உயர்கல்வித்துறையை ஊழல் என்ற கொடிய நோய் சிதைத்து வருவதை ஆளுனர் வெளிப்படையாக ஒப்புக்கொண்டது ஆக்கப்பூர்வமான திருப்பமாகும்; இது வரவேற்கத்தக்கது.

சென்னை தியாகராய நகரில் இன்று காலை நடைபெற்ற உயர்கல்வி குறித்த கருத்தரங்கில் பங்கேற்றுப் பேசிய ஆளுனர் பன்வாரிலால் புரோகித்,‘‘தமிழகத்தில் துணைவேந்தர் பதவிகள் கோடிக்கணக்கில் பணம் கொடுத்து வாங்கப்பட்டதை ஆளுனராக பதவியேற்ற பின்னர் நான் அறிந்து கொண்டேன். பல கோடி பணம் பரிமாற்றம் செய்யப்பட்டு தான் துணைவேந்தர் பதவி வழங்கப்பட்டிருக்கிறது. ஆரம்பத்தில் இதை நான் நம்பவில்லை. பின்னர் அது உறுதியானவுடன் நான் மிகவும் வருத்தமடைந்தேன்.அதன்படி 9 துணை வேந்தர்களை தகுதியின் அடிப்படையில் நியமனம் செய்தேன்’’ என்று தெரிவித்திருக்கிறார்.

ஆளுனரின் இந்த குற்றச்சாற்றுகள் அனைத்தும் உண்மை. தமிழகத்தில் கடந்த 15 ஆண்டுகளாக உயர்கல்வித்துறை சீரழிந்து வருகிறது. துணைவேந்தர் பதவியில் தொடங்கி உதவிப் பேராசிரியர் பணி வரை அனைத்து பணியிடங்களும் விலை நிர்ணயிக்கப்பட்டு விற்பனை செய்யப்பட்டு வருகின்றன. துணைவேந்தர் பதவி ரூ.5 கோடி முதல் ரூ.60 கோடி வரை விற்பனை செய்யப்படுவதை பாட்டாளி மக்கள் கட்சி ஆதாரங்களுடன் அம்பலப்படுத்தி வந்தது. மதுரை காமராசர் பல்கலைக்கழக துணை வேந்தராக தகுதியே இல்லாத செல்லத்துரை நியமிக்கப்பட்டதையும், பாரதியார் பல்கலைக்கழக துணை வேந்தர் பதவியை கணபதி பணம் கொடுத்து கைப்பற்றியதையும் பா.ம.க. தான் அம்பலப்படுத்தியது. பா.ம.க.வின் குற்றச்சாட்டு உண்மை என்பதை நிரூபிக்கும் வகையில் காமராசர் பல்கலைக்கழக துணைவேந்தர் செல்லத்துரை சென்னை உயர்நீதிமன்றத்தால் பதவி நீக்கம் செய்யப்பட்டார். பாரதியார் பல்கலைக்கழகத் துணைவேந்தர் கணபதி கையூட்டு வாங்கியதாக கைது செய்யப்பட்டு நீக்கப்பட்டார்.

துணைவேந்தர் நியமனங்களில் ஊழல் நடந்துள்ளது உண்மை என ஆளுனர் ஒப்புக்கொண்டுள்ள நிலையில். நடந்த தவறை சரி செய்யவும், அந்த தவறுக்கு காரணமானவர்களை தண்டிக்கவும் ஆளுனர் என்ன செய்தார்? என்பது தான் பா.ம.க. எழுப்பும் வினா ஆகும். இப்போதுள்ள துணைவேந்தர்களில் மனோன்மணியம் சுந்தரனார் பல்கலைக்கழகத் துணை வேந்தர் பாஸ்கரன் முந்தைய ஆளுனரின் சொந்த மாநிலத்தை சேர்ந்தவர் என்ற காரணத்துக்காக நியமிக்கப்பட்டவர். திருவள்ளுவர் பல்கலைக்கழக துணைவேந்தர் முருகன், அன்னை தெரசா பல்கலைக் கழக துணைவேந்தர் வள்ளி, தமிழ்நாடு திறந்தநிலை பல்கலைக்கழக துணைவேந்தர் பாஸ்கரன், கல்வியியல் பல்கலைக்கழக துணைவேந்தர் தங்கசாமி உள்ளிட்ட இப்போது பதவியிலுள்ள 8 பல்கலைக் கழகங்களின் துணைவேந்தர்கள் அப்பதவிக்கு தகுதியற்றவர்கள்; கோடிக்கணக்கில் பணம் கொடுத்து தான் அப்பதவியைக் கைப்பற்றினர்.

மேற்கண்ட 8 பேரும் துணைவேந்தர்களாக பதவியேற்ற பின்னர் அவர்களின் ஆளுகைக்குட்பட்ட பல்கலைக்கழகங்களில் மிகப்பெரிய அளவில் ஊழல் செய்தார்கள் என்றும் பா.ம.க. குற்றஞ்சாற்றியது. கடந்த ஆண்டு திசம்பர் மாதம் ஆளுனர் பன்வாரிலால் புரோகித்திடம் எனது தலைமையிலான குழு அளித்த 24 குற்றச்சாட்டுகள் அடங்கிய புகார் மனுவில் 3 குற்றச்சாட்டுகள் பல்கலைக்கழக ஊழல்கள் தொடர்பானவை ஆகும். பல்கலைக்கழக ஊழல்களை களைய வேண்டும்; பல்கலைக்கழக நிர்வாகத்தை சீரமைக்க வேண்டும் என்ற அக்கறை ஆளுனருக்கு உண்மையாகவே இருந்திருந்தால், பல்கலைக்கழக ஊழல்கள் குறித்த குற்றச்சாட்டுகளின் மீது கடந்த 10 மாதங்களாக நடவடிக்கை எடுக்காதது ஏன்?

துணைவேந்தர் நியமனங்களில் ஊழல் நடந்ததை கண்டுபிடிப்பது மட்டும் போதுமானதல்ல. நடந்த தவறுக்கு காரணமானவர்களை அடையாளம் கண்டு அவர்கள் மீதும் நடவடிக்கை எடுக்க வேண்டியதும் ஆளுனரின் கடமை ஆகும். பல்கலைக்கழக வேந்தராக ஆளுனர் இருந்தாலும், தேர்வுக்குழுவை தங்கள் கட்டுப்பாட்டில் வைத்துக் கொண்டு துணைவேந்தர் நியமனத்தில் ஆதிக்கம் செலுத்துவது பல்கலைக்கழக இணைவேந்தர்களாக உள்ள உயர்கல்வித்துறை அமைச்சர்கள் தான். உயர்கல்வித்துறை அமைச்சர்களாக கடந்த காலங்களில் இருந்தவர்களும், இப்போது இருப்பவரும் துணைவேந்தர்கள் நியமனத்தில் கோடிக்கணக்கில் ஊழல் செய்தனர் என்பதை விசாரணை நடத்தினால் கண்டுபிடிக்கலாம்.

தமிழக பல்கலைக்கழகங்களில் பேராசிரியர், இணைப் பேராசிரியர், உதவிப் பேராசிரியர் மற்றும் ஆசிரியர்கள் அல்லாத பணியாளர்கள் நியமனத்தில் இப்போதும் ஊழல் நடைபெற்று வருகிறது. இதற்கு ஏராளமான ஆதாரங்கள் உள்ளன. துணைவேந்தர்கள் முதல் உதவிப் பேராசிரியர் நியமனம் வரை ஒவ்வொரு நிலையிலும் நடைபெற்ற ஊழல்கள் குறித்து விசாரணை நடத்தி தவறு செய்தவர்களை தண்டிக்க வேண்டியது ஆளுனரின் கடமை ஆகும். அந்தக் கடமையை செய்ய ஆளுனர் தவறக்கூடாது.

எனவே, பல்கலைக்கழகங்கள் உள்ளிட்ட உயர்கல்வித்துறையில் நடைபெற்ற அனைத்து வகையான ஊழல்கள் குறித்தும் விரிவான விசாரணை நடத்த தமிழக ஆளுனர் உடனடியாக ஆணையிட வேண்டும். அதுமட்டுமின்றி, தமிழக உயர்கல்வி அமைச்சரை ஆளுனர் உடனடியாக பதவி நீக்கம் செய்ய வேண்டும்
Message image
AnbumaniRamadoss.in
5th of October 2018 12:21 PM
AnbumaniRamadoss.in
5th of October 2018 12:00 PM
பெட்ரோல், டீசல் விலைகளை குறைக்க
வலியுறுத்தி பா.ம.க. போராட்டம்.
AnbumaniRamadoss.in
5th of October 2018 11:51 AM
பெட்ரோல், டீசல் விலைகளை குறைக்க
வலியுறுத்தி பா.ம.க. போராட்டம்.
Message image
AnbumaniRamadoss.in
2nd of October 2018 12:43 PM
AnbumaniRamadoss.in
2nd of October 2018 12:29 PM
AnbumaniRamadoss.in
2nd of October 2018 12:10 PM
AnbumaniRamadoss.in
2nd of October 2018 11:59 AM
AnbumaniRamadoss.in
26th of September 2018 09:01 PM
பாட்டாளி மக்கள் கட்சியின் 30-ஆம் ஆண்டு துவக்க விழா மாபெரும் பொதுக்கூட்டம்...
AnbumaniRamadoss.in
26th of September 2018 08:59 PM
பாட்டாளி மக்கள் கட்சியின் 30-ஆம் ஆண்டு துவக்க விழா மாபெரும் பொதுக்கூட்டம்... நடுவண் நலவாழ்வுத்துறை முன்னாள் அமைச்சரும். தருமபுரி நாடாளுமன்ற உறுப்பினருமான மருத்துவர் அன்புமணி ராமதாஸ் எழுச்சியுரையாற்றுகிறார்... தருமபுரி - பாப்பிரெட்டிபட்டியிலிருந்து நேரடி ஒளிபரப்பு.
AnbumaniRamadoss.in
26th of September 2018 01:29 PM
ரூபாய் 15 லட்சம் மதிப்பீட்டில் பேருந்து நிலையத்தில் பயணியர் நிழற்குடை அமைத்தல் மற்றும் ரூபாய் 5 லட்சம் மதிப்பீட்டில் 24 மணிநேரமும் சுகாதாரமான குடிநீர் கிடைக்கும் வகையிலான சுத்திகரிக்கப்பட்ட குடிநீர் நிலையத்திற்கான அடிக்கல்நாட்டு விழா இன்று எனது தொகுதியான தருமபுரியில் உள்ள கொளத்தூரில் நடைபெற்றது. #MyConstituency #Dharmapuri #CleanWater
Message image
AnbumaniRamadoss.in
23rd of September 2018 09:18 PM
"கரம் கோர்ப்போம், பாலாற்றை காப்போம்" பா.ம.க. இளைஞர் அணி தலைவர் மருத்துவர் அன்புமணி ராமதாஸ் விழிப்புணர்வு பரப்புரை பயணம்...
AnbumaniRamadoss.in
23rd of September 2018 06:40 PM
"கரம் கோர்ப்போம், பாலாற்றை காப்போம்" பா.ம.க. இளைஞர் அணி தலைவர் மருத்துவர் அன்புமணி ராமதாஸ் விழிப்புணர்வு பரப்புரை பயணம்...
AnbumaniRamadoss.in
23rd of September 2018 06:18 PM
"கரம் கோர்ப்போம், பாலாற்றை காப்போம்" பா.ம.க. இளைஞர் அணி தலைவர் மருத்துவர் அன்புமணி ராமதாஸ் விழிப்புணர்வு பரப்புரை பயணம்...