Activity

AnbumaniRamadoss.in
5th of December 2018 07:51 PM
நாதஸ்வர கலைஞர்களின் வாழ்க்கையை அடிப்படையாக கொண்டு எழுதப்பட்ட "சஞ்சாரம்" என்ற நூலுக்காக எழுத்தாளர் எஸ். ராமகிருஷ்ணனுக்கு சாகித்ய அகாடெமி விருது அறிவிக்கப்பட்டுள்ள செய்தி மகிழ்ச்சியளிக்கிறது. மேலும் அவர் தமிழ் இலக்கியத்துக்கும், தமிழ் பண்பாட்டிற்கும் தொண்டாற்ற எனது வாழ்த்துகள்.
Message image
AnbumaniRamadoss.in
1st of December 2018 11:37 AM
Participating today in ‘Times Conversations’ about “The Welfare State : the future of freebies” organised by Times Of India. #SayNoToFreebies #SayYesToFreeEducation #SayYesToFreeHealthCare
Message image
AnbumaniRamadoss.in
28th of November 2018 11:05 AM
AnbumaniRamadoss.in
18th of November 2018 12:33 PM
நவம்பர் 18: சாலை விபத்துகளில் கொலை செய்யப்படுவோர் நினைவு நாள் November 18: World Day of Remembrance for Road Traffic Victims

விரிவாக: goo.gl/y3qE8i
#WDoR2018 #VisionZeroTamilNadu #PasumaiThaayagam #RoadSafety #RoadsHaveStories
Message image
AnbumaniRamadoss.in
15th of November 2018 01:30 PM
Delivered a speech on "Grass root level Economic decision making& the successful implementation of Nation Rural Health Mission during my tenure as Union Health Minister" at a National Conclave on "Functional Governance for a New India:Politics of Economics" organised by Madras Management Association.
(12/11/2018) Chennai.
AnbumaniRamadoss.in
15th of November 2018 11:13 AM
புதிய கல்விப் புரட்சி?

ஆசிரியரே இல்லாத பாடத்திற்கு தேர்வு எழுதும் மாணவர்கள்!

தமிழ்நாட்டில் 11 மற்றும் 12-ஆம் வகுப்புகளுக்கான அரையாண்டுத் தேர்வுகள் அடுத்த மாதம் 10-ஆம் தேதி தொடங்கும் என்று பள்ளிக்கல்வித்துறை அறிவித்துள்ளது. ஆனால், தமிழ்நாட்டில் 750 அரசு மேல்நிலைப் பள்ளிகளில் கணினி அறிவியல் பாடத்திற்கு ஆசிரியர்களே நியமிக்கப்படாத நிலையில், அப்பாடத்திற்கு தேர்வுகளை நடத்துவதன் மூலம் பினாமி அரசு புதிய கல்விப் புரட்சி படைக்கிறது.

மாணவர்களின் கல்வித்தேவையை நிறைவேற்றும் வகையில் ஒவ்வொரு ஆண்டும் குறைந்தது 100 அரசு உயர்நிலைப்பள்ளிகளாவது மேல்நிலைப் பள்ளிகளாக தரம் உயர்த்தப்பட்டு வருகின்றன. அவ்வாறு தரம் உயர்த்தப்படும் பள்ளிகளுக்கு போதிய எண்ணிக்கையில் ஆசிரியர்களை நியமித்தால் தான் தரம் உயர்த்தப்பட்டது அர்த்தமுள்ளதாக அமையும். ஆனால், அரசு உயர்நிலைப் பள்ளிகள் தரம் உயர்த்தப் படுவதாக பேரவையில் அறிவித்து விட்டு, அப்பள்ளிகளுக்கு ஆசிரியர்களை நியமிக்காமல் இருப்பது தான் அவர்களுக்கு இழைக்கப்படும் நம்பிக்கைத் துரோகம் ஆகும். அவ்வாறு 2016-17 ஆம் ஆண்டு வரை தரம் உயர்த்தப்பட்ட மேல்நிலைப்பள்ளிகளில் 809 கணினி ஆசிரியர் பணியிடங்கள் நிரப்பப் படாததால் அங்கு கணினி அறிவியல் பாடம் பயிலும் மாணவர்களின் எதிர்காலம் கேள்விக்குறியாகியுள்ளது.

அரசு பள்ளிகளில் ஆசிரியர் பணியிடங்கள் காலியாக இருந்தால், தற்காலிக ஏற்பாடாக பெற்றோர்- ஆசிரியர் சங்கத்தின் மூலம் தற்காலிக ஆசிரியர்கள் நியமிக்கப்படுவது வழக்கம். இப்போது கூட அரசு மேல்நிலைப்பள்ளிகளில் உள்ள காலியிடங்களை நிரப்பும் வகையில் 1474 முதுநிலைப் பட்டதாரி ஆசிரியர்களை மாதம் ரூ.7,500 என்ற ஊதியத்தில் தற்காலிகமாக நியமித்துக் கொள்ள தமிழக அரசு அனுமதி வழங்கியது. ஆனால், இதில் கூட கணினி ஆசிரியர்கள் நியமிக்கப்படாததால் கணினி அறிவியல் குறித்த அடிப்படை அறிவு கூட இல்லாத ஒரு தலைமுறை கணினி அறிவியல் பாடத்தில் அரையாண்டுத் தேர்வு எழுதப் போகிறது. இன்னும் சில மாதங்களில் இவர்கள் ஆண்டு பொதுத்தேர்வையும் எழுதுவர்.

கணினி அறிவியல் என்றால் என்ன என்பது கூட தெரியாமல் அப்பாடத்தின் தேர்வை எழுதும் மாணவனால் எதை சாதிக்க முடியும்? அம்மாணவன் எவ்வாறு தேர்ச்சி பெற்று உயர்கல்விக் கற்கச் செல்வான்? ஒரு மாநிலத்தின் வளர்ச்சிக்கான அடிப்படைத் தேவை கல்வி ஆகும். அதனால், மாநிலத்தை முன்னேற்ற வேண்டும் என்று நினைக்கும் அரசு, மாணவர்களுக்கு தரமான கல்வியை வழங்குவதற்கு தேவையான நடவடிக்கைகளை மேற்கொள்ள வேண்டியது அவசியமாகும். ஆனால், கல்வி குறித்தோ, மாநிலத்தின் வளர்ச்சி குறித்தோ எந்த தொலைநோக்குப் பார்வையும் பினாமி அரசுக்கு இல்லாததால் தான் கணினி அறிவியல் பாடத்திற்கு ஆசிரியர்கள் கூட நியமிக்கப்படாமல் கல்வித்துறை சீரழிகிறது.

கல்வியில் அனைவருக்கும் சம வாய்ப்பு வழங்குவது தான் சமூகநீதியின் அடிப்படை ஆகும். ஆனால், தமிழ்நாட்டில் 4206 அரசு மற்றும் அரசு உதவி பெறும் மேல்நிலைப்பள்ளிகள் உள்ளன. 2873 தனியார் மேல்நிலைப் பள்ளிகள் உள்ளன. தனியார் பள்ளிகளில் பெரும்பாலானவற்றில் ஒவ்வொரு பாடத்திற்கும், ஒவ்வொரு வகுப்புக்கும் 2 அல்லது 3 ஆசிரியர்கள் நியமிக்கப்பட்டு சிறப்புப் பயிற்சிகள் அளிக்கப் படுகின்றன. அரசு பள்ளிகளில் தரம் உயர்த்தப்பட்ட பள்ளிகளைத் தவிர மற்ற பள்ளிகளில் கணினி அறிவியல் பாடத்திற்கு ஆசிரியர்கள் உள்ளனர். அங்கு பயிலும் மாணவர்களுக்கு கணினிப் பாடம் கற்பிக்கப்படுகிறது. அவர்களுடன் கணினி பாடமே நடத்தப்படாத மாணவர்களை 12-ஆம் வகுப்புப் பொதுத் தேர்வுகளில் போட்டியிட வைப்பது எந்த வகையில் சமத்துவமாகவும், சமூகநீதியாகவும் இருக்கும்?

அரசு மேல்நிலைப் பள்ளிகளைப் பொறுத்தவரை முதுகலைப் பட்டதாரி கணினி ஆசிரியர்கள் நியமனம் இன்று வரை முறைப்படுத்தப்படவில்லை. மற்ற பாடங்களுக்கான ஆசிரியர் பணிகளில் காலியிடங்கள் ஏற்பட்டால் அது அடுத்து வரும் ஆசிரியர் தேர்வில் நிரப்பப்படும். ஆனால், கணினி அறிவியல் ஆசிரியர் பணியிடங்கள் அவ்வாறு நிரப்பப்படுவதில்லை. தமிழகத்தில் முதன்முதலில் 1999-2000 ஆவது ஆண்டில் 1197 அரசு மேல்நிலைப்பள்ளிகளில் 1880 கணினி ஆசிரியர்கள் மாதம் ரூ.4000 ஊதியத்தில் தற்காலிக அடிப்படையில் நியமிக்கப்பட்டனர். பின்னர் அவர்களில் 1348 பேர் 2010-ஆம் ஆண்டில் சிறப்புப் போட்டித் தேர்வு மூலம் பணி நிலைப்பு செய்யப்பட்டனர். மீதமுள்ள 652 பணி நீக்கப்பட்ட போதிலும், உச்சநீதிமன்ற ஆணைப்படி அவர்களுக்கும் 2016&ஆம் ஆண்டில் பணி நிலைப்பு வழங்கப்பட்டது. இவர்களைத் தவிர வேறு கணினி ஆசிரியர்கள் எவரும் இன்று வரை முறைப்படுத்தப்பட்ட வகையில் நியமிக்கப்படவில்லை.

அரசு பள்ளிகளில் காலியாக உள்ள 748 முதுகலை கணினி ஆசிரியர் பணியிடங்கள் நிரப்பப்படும் என்று 2016-ஆம் ஆண்டு சட்டப்பேரவையில் அப்போதைய முதலமைச்சர் ஜெயலலிதா அறிவித்த போதிலும், அது இன்று வரை செயல்படுத்தப்படவில்லை. தமிழகத்தில் 60 ஆயிரத்துக்கும் மேற்பட்டோர் முதுகலை கணினி அறிவியல் ஆசிரியர் தகுதி பெற்று பணிக்காக காத்திருக்கின்றனர். அவர்கள் நலன் கருதியும், மாணவர்கள் நலன் கருதியும் அரசு பள்ளிகளில் காலியாக உள்ள 809 கணினி ஆசிரியர் பணியிடங்களை முதலில் தற்காலிகமாகவும், நடப்புக் கல்வியாண்டு முடிவதற்குள் நிரந்தரமாகவும் அரசு நிரப்ப வேண்டும்.
Message image
AnbumaniRamadoss.in
14th of November 2018 12:36 PM
My hearty #ChildrensDay wishes to all of you. On this day let's all unite and resolve to provide a healthy, dignified, secure and valuable future to all our children of India. #குழந்தைகள் நாள் வாழ்த்துகள்.
Message image
AnbumaniRamadoss.in
13th of November 2018 10:33 AM
Delivered a speech on "Grass root level Economic decision making& the successful implementation of Nation Rural Health Mission during my tenure as Union Health Minister" at a National Conclave on "Functional Governance for a New India:Politics of Economics" organised by Madras Management Association.
Message image
AnbumaniRamadoss.in
11th of November 2018 03:30 PM
அரூரில் சிறுமி பாலியல் கொடுமை- கொலை:
கயவர்கள் மீது கடும் நடவடிக்கை வேண்டும்!

தருமபுரி மாவட்டம் அரூரை அடுத்த சிட்லிங் மலைக்கிராமத்தில் விடுமுறைக்காக வந்திருந்த மாணவி கொடூரமாக பாலியல் வன்கொடுமை செய்யப்பட்டு, அதனால் ஏற்பட்ட உடல்நல பாதிப்புகள் காரணமாக உயிரிழந்தார் என்ற செய்தி கேட்டு பெரும் அதிர்ச்சியும், வேதனையும் அடைந்தேன். கொல்லப்பட்ட மாணவியின் குடும்பத்திற்கு எனது ஆழ்ந்த இரங்கலையும், அனுதாபத்தையும் தெரிவித்துக் கொள்கிறேன்.

சிட்லிங் மலைக்கிராமத்தைச் சேர்ந்த கூலித் தொழிலாளியின் மகளான 16 வயது மாணவி பாப்பிரெட்டிப் பட்டியில் தங்கி அங்குள்ள அரசு மேல்நிலைப்பள்ளியில் 12-ஆம் வகுப்பு படித்து வந்திருக்கிறார். தீப ஒளி திருநாள் விடுமுறைக்காக சொந்த ஊருக்கு வந்த அம்மாணவி கடந்த 5&ஆம் தேதி இயற்கை அழைப்புக்காக வீட்டுக்கு அருகில் உள்ள மறைவான பகுதிக்கு சென்ற போது அப்பகுதியைச் சேர்ந்த சதீஷ், ரமேஷ் என்ற இரு கயவர்கள் கடத்திச் சென்று பாலியல் வன்கொடுமை செய்துள்ளனர். அதனால் ஏற்பட்ட பாதிப்புகள் காரணமாகவே , உயர்கல்வி படித்து சாதிக்க வேண்டிய மாணவி உயிரிழந்த கொடுமை நிகழ்ந்துள்ளது.

மாணவியின் உயிரிழப்புக்கு சம்பந்தப்பட்ட கயவர்கள் மட்டுமின்றி காவல்துறையும், அரசு நிர்வாகமும் சேர்ந்தே பொறுப்பேற்க வேண்டும். தில்லியில் கடந்த 2012-ஆம் ஆண்டு மருத்துவ மாணவி நிர்பயாவுக்கு சில கொடூரர்கள் பாலியல் ரீதியாவும், உடல் ரீதியாகவும் எத்தகைய கொடூரங்களை இழைத்தார்களோ, அதைவிட மிக மோசமான, மனிதநேயம் கொண்டவர்களால் சிந்தித்துப் பார்க்க முடியாத அளவுக்கு அந்த மாணவிக்கு கொடுமைகள் இழைக்கப்பட்டுள்ளன. ஆனால், அந்த மாணவிக்கு எந்தவிதமான மருத்துவமும் வழங்காமல், வழக்குப் பதிவு செய்து தருமபுரியில் உள்ள குழந்தைகள் காப்பகத்தில் சேர்த்த காவல்துறையினர், அத்துடன் தங்களின் கடமை முடிந்து விட்டதாகக் கருதி ஒதுங்கிக் கொண்டனர்.

பாலியல் வன்கொடுமையால் பாதிக்கப்பட்ட மாணவிக்கு உடனடியாக மருத்துவம் அளிக்கப்பட்டிருந்தால் அவரைக் காப்பாற்றியிருக்க முடியும். ஆனால், அதற்கான நடவடிக்கைகளை காவல்துறை மேற்கொள்ள வில்லை. காப்பகத்தில் சேர்க்கப்பட்ட மாணவிக்கு உடல்நலம் பாதிக்கப்பட்டு, மோசமடைந்த நிலையில் மிகவும் தாமதமாகவே தருமபுரி அரசு மருத்துவக் கல்லூரி மருத்துவமனையில் சேர்க்கப்பட்டுள்ளார். ஆனால், அங்கு தீவிர மருத்துவம் அளித்தும் பயனின்றி உயிரிழந்துள்ளார். மிகக்கொடூரமான பாலியல் தாக்குதலுக்கு ஆளான மாணவியைக் காப்பாற்றும் விஷயத்தில் அக்கறையும், சமூகப் பொறுப்பும் இல்லாமல் மிகவும் அலட்சியமாக நடந்து கொண்ட காவல்துறை உள்ளிட்ட அனைவரின் செயலும் கண்டிக்கத்தக்கது.

மாணவியை பாலியல் வன்கொடுமை செய்து, அவரது உயிரிழப்புக்குக் காரணமாக இருந்த கயவர்கள் மீது நடவடிக்கை எடுப்பதில் காவல்துறை மிகவும் அலட்சியம் காட்டி வருகிறது. இந்தக் கொடூரம் நடந்து ஒரு வாரம் ஆகியும் இன்று வரை குற்றவாளிகள் கைது செய்யப்படவில்லை. இரு குற்றவாளிகளில் ஒருவரான ரமேஷின் தாயார் அப்பகுதியில் அரசு மதுபானங்களை கள்ளச்சந்தையில் விற்பனை செய்து வருவதாகவும், இதற்காக கோட்டைப்பட்டி காவல்துறையினருக்கு கையூட்டு தருவதாகவும், அதனால் தான் குற்றவாளிகள் மீது காவல்துறை நடவடிக்கை எடுக்கவில்லை என்றும் கூறப்படுகிறது. இப்புகார் உண்மை என்றால் சம்பந்தப்பட்ட காவல்துறையினர் மீது கடுமையான நடவடிக்கை எடுக்கப்பட வேண்டும்.

மாணவியின் இல்லத்தில் பயன்படுத்தத் தக்க வகையில் கழிப்பறை வசதி இருந்திருந்தால் அம்மாணவிக்கு இத்தகையக் கொடுமை நிகழ்ந்திருக்காது. மலைவாழ் மக்களுக்கு கழிப்பறை வசதிகளை கட்டித்தருவது உள்ளிட்ட ஏராளமான திட்டங்கள் நடைமுறையில் உள்ளன. அத்திட்டங்களை செயல்படுத்தித் தராததும் இதற்கு காரணம் ஆகும் அந்த வகையில் மாணவியின் சாவுக்கு தமிழக அரசும் பொறுப்பேற்க வேண்டும்.

மாணவி பாலியல் வன்கொடுமை செய்யப்பட்டு கொலை செய்யப்பட்ட விவகாரத்தில் காவல்துறை இனியும் அலட்சியம் காட்டாமல் குற்றவாளிகளை கைது செய்து குண்டர் சட்டத்தில் அடைக்க வேண்டும். இந்த வழக்கை விரைவாக நடத்தி குற்றவாளிகளுக்கு கடுமையான தண்டனை பெற்றுத்தர வேண்டும். மாணவியின் குடும்பத்துக்கு ரூ.25 லட்சம் நிதி உதவி வழங்க தமிழக அரசு முன்வர வேண்டும்.
#PMK #Anbumani #Harur #Dharmapuri #அரூர் #தருமபுரி
Message image
AnbumaniRamadoss.in
10th of November 2018 07:56 PM
இலங்கையில் அப்பட்டமான ஜனநாயகப்
படுகொலை: இந்தியா தலையிட வேண்டும்!

இலங்கை நாடாளுமன்றத்தை நேற்று நள்ளிரவில் கலைத்த அந்நாட்டு அதிபர் மைத்ரிபால சிறீசேனா, புதிய நாடாளுமன்றத்தை அமைக்க அடுத்த ஆண்டு ஜனவரி மாதம் 5&ஆம் தேதி தேர்தல் நடைபெறும் என்று அறிவித்திருக்கிறார். 2020&ஆம் ஆண்டு ஆகஸ்ட் மாதம் வரை பதவிக்காலம் இருக்கும் நிலையில், இலங்கை நாடாளுமன்றத்தை அதிபர் திடீரென கலைத்திருப்பது மிகப்பெரிய ஜனநாயகப் படுகொலையாகும்.

இலங்கை நாடாளுமன்றம் கலைக்கப்பட்டது அந்நாட்டின் உள்விவகாரம் தான் என்றாலும் கூட, அதில் இந்தியாவின் பாதுகாப்பும், ஈழத்தமிழர் நலன்களும் அடங்கியிருப்பதால் இந்த விவகாரத்தில் எங்களுக்கு சம்பந்தமில்லை என்று கூறி இந்திய அரசு கடந்து செல்ல முடியாது. இலங்கையில் அரசியல் குழப்பங்கள் தொடங்கியதும், அதன் விளைவாக அந்நாட்டின் பிரதமர் பதவியிலிருந்து ரணில் விக்கிரமசிங்க பதவி நீக்கம் செய்யப்பட்டதும் இந்தியாவின் பூகோள நலன் சார்ந்த பிரச்சினையின் விளைவாகத் தான் என்பதை இந்தியப் பெருங்கடல் பகுதியை கட்டுக்குள் கொண்டு வர நடக்கும் அரசியல் புரிந்தவர்கள் அறிவார்கள்.

இலங்கை அதிபர் பதவியிலிருந்து எந்தக் காரணமும் இல்லாமல் தான் ரணில் விக்கிரமசிங்க நீக்கம் செய்யப்பட்டார். அதேபோல், பிரதமர் பதவியை வகிப்பதற்கு தேவையான எந்த பெரும்பான்மையும் இல்லாத நிலையில் தான் இராஜபக்சே புதிய பிரதமராக நியமிக்கப்பட்டார். நாடாளுமன்றத்தில் இராஜபக்சே அரசு பெரும்பான்மையை நிரூபிப்பதற்காக எந்தெந்த வகைகளில் எல்லாம் சட்டத்தை வளைக்க முடியுமோ? அந்தந்த வகைகளில் எல்லாம் சட்டங்கள் வளைக்கப்பட்டன. இலங்கை நாடாளுமன்றத்தையே முடக்கும் அளவுக்கு அதிபர் சிறீசேனா சட்டத்தைக் கையில் எடுத்துக்கொண்டு சர்வாதிகாரியாக செயல்பட்டார்.

எதிர்க்கட்சிகளின் நாடாளுமன்ற உறுப்பினர்கள் விலைக்கு வாங்கப்பட்டனர். இலங்கைப் போர் முடிந்து பத்தாண்டுகள் ஆகும் நிலையில் தமிழ் அரசியல் கைதிகளை இதுவரை விடுவிக்காத ஆட்சியாளர்கள், இப்போது தமிழ் கைதிகளை விடுதலை செய்வதாகக் கூறி, தமிழ் தேசிய கூட்டமைப்பின் ஆதரவைப் பெற முயற்சிகள் செய்தனர். ஆனால், எந்த முயற்சியும் வெற்றி பெறாத நிலையில், நாடாளுமன்றத்தில் தோல்வியை தவிர்ப்பதற்காகத் தான் நாடாளுமன்றத்தையே கலைத்து அதிபர் சிறீசேனா ஆணையிட்டுள்ளார்.

இலங்கை அதிபர் சிறீசேனா அவரது சொந்த செல்வாக்கில் வெற்றி பெறவில்லை. 2015&ஆம் ஆண்டு தேர்தலில் இராஜபக்சேவுக்கு எதிரான தமிழர்களின் வாக்குகளால் தான் அதிபர் தேர்தலில் அவரால் வெற்றி பெற முடிந்தது. தமிழர்களின் ஆதரவுடன் வெற்றி பெற்ற சிறீசேனா தமது பழைய இனப்படுகொலை கூட்டாளியுடன் அணி சேர்ந்து கொண்டு தமிழர்களுக்கு எதிரான செயல்களில் ஈடுபடுவது நியாயமல்ல.

ஜனவரி 5&ஆம் தேதி நடைபெறவுள்ள நாடாளுமன்றத் தேர்தல் நிச்சயமாக நேர்மையாக நடக்காது. தமிழர்களையும், இராஜபக்சேவுக்கு எதிரானவர்களையும் மிரட்டியும், முறைகேடுகள் செய்தும் தேர்தலில் வெற்றி பெற சிறீசேனா& இராஜபக்சே கூட்டணி முயலும். அவ்வாறு நடந்தால் ஈழத்தமிழர்களுக்கு எதிரான நடவடிக்கைகளும், இந்தியாவுக்கு எதிரான செயல்களும் தீவிரமடையும். இந்தியப் பாதுகாப்புக்கு அச்சுறுத்தலை ஏற்படுத்தும் வகையில் இலங்கையில் உள்ள பாதுகாப்பு முக்கியத்துவம் வாய்ந்த இடங்கள் சீனாவுக்கு தாரைவார்க்கப்படலாம். அவை இந்தியாவின் பாதுகாப்புக்கு நிரந்தர ஆபத்தை ஏற்படுத்தும்.

இலங்கையின் பிரதமர் பதவியிலிருந்து விக்கிரமசிங்க நீக்கப்பட்டு இராஜபக்சே நியமிக்கப்பட்ட போதே இந்தியா இந்த விவகாரத்தில் தலையிட்டிருந்தால் நிலைமை இந்த அளவுக்கு மோசமடைந்திருக்காது. இந்த விஷயத்தில் இந்தியா இனியும் அலட்சியம் காட்டாமல், இலங்கை சிக்கலில் உடனடியாகத் தலையிட்டு ஜனநாயகத்தை பாதுகாப்பதற்கான நடவடிக்கைகளை எடுக்க வேண்டும் என வலியுறுத்துகிறேன்.
Message image
AnbumaniRamadoss.in
9th of November 2018 05:56 PM
வேளாண் பல்கலை. துணைவேந்தர் தேர்வில் முறைகேடு: புதிய தேடல் குழு உருவாக்குக!

தமிழ்நாடு வேளாண்மை பல்கலைக்கழகத்தின் புதிய துணைவேந்தர் நியமனத்திற்கான நடைமுறைகளில் மிகப்பெரிய அளவில் முறைகேடுகள் நடைபெறுவதாகக் குற்றச்சாட்டுகள் எழுந்துள்ளன. துணைவேந்தர் பதவிக்காக தயாரிக்கப்பட்டுள்ள 10 பேர் கொண்ட உத்தேசப்பட்டியலில் தகுதியற்ற பலர் திட்டமிட்டு திணிக்கப்பட்டுள்ளனர். ஆளுங்கட்சியின் உயர்பதவிகளில் இருப்பவர்களுக்கு சாதகமான ஒருவரை துணைவேந்தராக நியமிக்கும் நோக்குடன் செய்யப்படும் இந்த முறைகேடுகள் கண்டிக்கத்தக்கவை.

கோவையில் உள்ள தமிழ்நாடு வேளாண்மை பல்கலைக்கழகத்தின் துணைவேந்தராக பணியாற்றி வரும் கு.இராமசாமி 15-ஆம் தேதியுடன் ஓய்வு பெறுகிறார். அதைத்தொடர்ந்து புதிய துணைவேந்தரை தேர்வு செய்வதற்காக மராட்டிய மாநிலம் அகமதுநகரில் உள்ள மகாத்மா புலே வேளாண் பல்கலைக்கழகத் துணைவேந்தர் கே.பி. விஸ்வநாதா, தமிழ்நாடு வேளாண் பல்கலைக்கழகத்தின் முன்னாள் துணைவேந்தர் சி.இராமசாமி, இந்திய வேளாண் ஆராய்ச்சிக் குழுவின் முன்னாள் உதவித் தலைமை இயக்குனர் சக்கரவர்த்தி தேவக்குமார் ஆகியோர் அடங்கிய குழு அமைக்கப்பட்டது. துணைவேந்தர் பதவிக்கு 55 பேர் விண்ணப்பித்திருந்த நிலையில் அவர்களில் இருந்து முதல்கட்டமாக 10 பேரை இக்குழு தேர்ந்தெடுத்துள்ளது.

பேராசிரியர்கள் என்.குமார், கீதாலட்சுமி, கே.சுப்பையன், இ.வடிவேலு, உதயசூரியன், பொன்னுசாமி, நடராஜன், கிருஷ்ணகுமார், கணேசமூர்த்தி, பாலசுப்பிரமணியன் ஆகியோர் தான் முதல்கட்டமாக தேர்வு செய்யப்பட்டுள்ள 10 பேர் பட்டியலில் இருப்பவர்கள் ஆவர். இவர்களில் இருந்து 3 பேரை தேர்வு செய்வதற்காக சென்னையில் நாளை நேர்காணல் நடைபெறவுள்ளது. 3 பேர் பட்டியல் ஆளுனரிடம் நாளையோ, அதற்கு மறுநாளோ தாக்கல் செய்யப்பட்ட பின்னர், அவர்களில் ஒருவரை வரும் 15-ஆம் தேதிக்கு முன்பாக நியமிக்க தீவிரமாக ஏற்பாடுகள் செய்யப்பட்டு வருகின்றன. 10 பேர் பட்டியலில் இடம் பெற்றிருப்பவர்களில் பெரும்பான்மையானவர்கள் துணைவேந்தர் பதவிக்கு தகுதியற்றவர்களாவர்.

10 பேர் பட்டியலில் இடம்பெற்றுள்ள முனைவர் இ.வடிவேலு என்பவரை துணைவேந்தராக நியமிக்கத் தீர்மானித்து அதற்கேற்ற வகையில் பட்டியல் தயாரிக்கப்பட்டுள்ளது. முனைவர் வடிவேலு தமிழ்நாட்டு ஆட்சியாளர்களுக்கு மிகவும் நெருக்கமானவர் ஆவார். முதலமைச்சர் எடப்பாடி பழனிச்சாமி, அமைச்சர்கள் வேலுமணி, தங்கமணி ஆகியோரின் ஆதரவுடன் தான் இவர் துணைவேந்தராக நியமிக்கப்படவுள்ளதாக கூறப்படுகிறது. தேசிய வேளாண் மேம்பாட்டுத் திட்டம், பசுமைக்குடில் திட்டம், துல்லியப் பண்ணைத் திட்டம் ஆகியவற்றில் மிகப்பெரிய அளவில் ஊழல் செய்தவர். இதுதொடர்பாக இவர் மீது கையூட்டுத் தடுப்புப் பிரிவு முதற்கட்ட விசாரணை நடத்தியதாகவும் கூறப்படுகிறது. முனைவர்கள் கீதாலட்சுமி, குமார் ஆகியோர் மீதும் ஊழல் குற்றச்சாட்டுகள் நிலுவையில் உள்ளன என்பது குறிப்பிடத்தக்கதாகும்.

தமிழ்நாட்டிலுள்ள பல்கலைக்கழகங்களுக்கான துணைவேந்தர்கள் நியமனம் மிகவும் வெளிப்படையாக நடைபெறுகிறது என்று ஆளுனரும், பல்கலைக்கழகங்களின் வேந்தருமான பன்வாரிலால் புரோகித் கூறி வருகிறார். ஆனால், வேளாண் பல்கலைக்கழக துணைவேந்தர் நியமனத்தில் வெளிப்படைத்தன்மை கடைபிடிக்கப்படவில்லை. துணைவேந்தர் பதவிக்கு விண்ணப்பித்த 55 பேரிலிருந்து 10 பேர் எந்த அடிப்படையில் தேர்வு செய்யப்பட்டனர் என்பது குறித்த விவரங்கள் வெளியிடப்படவில்லை. துணைவேந்தர் பதவிக்கு மிகவும் தகுதியான வணங்காமுடி, விஸ்வநாதன், மோகன், வள்ளுவப் பாரிதாசன், மகிமைராஜா, பி.ஜே.பாண்டியன், அனந்தக்குமார் உள்ளிட்ட பலரின் பெயர்கள் திட்டமிட்டு புறக்கணிக்கப்பட்டுள்ளன.

துணைவேந்தர் தேர்வுக்குழுவில் மொத்தம் 3 பேர் இடம்பெற்றிருந்த போதிலும் அவர்களில் தமிழகத்தைச் சேர்ந்தவரான முன்னாள் துணைவேந்தர் சி.இராமசாமி தான் மற்ற இரு உறுப்பினர்களையும் தவறாக வழிநடத்தியுள்ளார். முனைவர் சி.இராமசாமி ஏற்கனவே துணைவேந்தராக இருந்த போது பல்வேறு ஊழல் குற்றச்சாட்டுகளிலும், பாலியல் அத்துமீறல் புகார்களிலும் சிக்கியவர் என்றும், அதனால் அப்போதைய முதலமைச்சர் ஜெயலலிதாவின் கோபத்திற்கு ஆளானவர் என்றும் கூறப்படுகிறது. இப்படிப்பட்டவரின் வழிகாட்டுதலில் நடக்கும் தேர்வுக்குழு நியாயமானவர்களை தேர்வு செய்யும் என எதிர்பார்ப்பது தவறு.

கோவை வேளாண் பல்கலைக்கழகத்திற்கு நான் சிறப்பு விருந்தினராகச் சென்று பேராசிரியர்களுடன் கலந்துரையாடியுள்ளேன். அப்பல்கலைக்கழகம் அண்மைக்காலமாக சிறப்பாக நிர்வகிக்கப்பட்டு வருகிறது. அந்தப் பெருமையை சீர்குலைக்கும் வகையில் புதிய துணைவேந்தர் நியமனம் அமைந்து விடக்கூடாது. எனவே, இப்போதுள்ள துணைவேந்தர் தேர்வுக்குழுவை உடனடியாகக் கலைத்து விட்டு, அப்பழுக்கற்ற பின்னணி கொண்ட கல்வியாளர்களை உறுப்பினர்களாகக் கொண்ட புதிய தேர்வுக்குழுவை அமைத்து வெளிப்படையான முறையில் துணைவேந்தர் தேர்வை மேற்கொள்ள வேண்டும் என வலியுறுத்துகிறேன்.
Message image
AnbumaniRamadoss.in
6th of November 2018 09:28 AM
தீபஒளி திருநாள் வாழ்த்துகள்!

வெளிச்சத்தின் திருவிழாவான தீப ஒளித் திருநாளை தமிழ்நாட்டிலும், உலகின் பல்வேறு பகுதிகளிலும் கொண்டாடும் அனைவருக்கும் எனது உளமார்ந்த தீப ஒளி வாழ்த்துகளை தெரிவித்துக் கொள்கிறேன்.

கொண்டாட்டங்கள் எப்போதும் மகிழ்ச்சியானவை; அனைவராலும் விரும்பப்படுபவை. அத்தகையக் கொண்டாட்டங்களில் தீப ஒளிக்கு சிறப்பான இடம் உண்டு. தீபஒளித் திருநாள் என்றாலே மகிழ்ச்சியும், கொண்டாட்டமும் தான் நினைவுக்கு வரும். புத்தாடை அணிந்து, மத்தாப்புக் கொளுத்தி, பிற மத நண்பர்களுக்கும், அண்டை வீட்டாருக்கும் இனிப்பு வழங்கும் வழக்கம் நட்பை வலுப்படுத்துவதுடன், நல்லிணக்கத்தையும் தழைக்கச் செய்கிறது. இது தான் தீப ஒளித் திருநாளின் சிறப்பு ஆகும்.

தீப ஒளித் திருநாளின் போது மக்களிடையே நிலவும் மகிழ்ச்சியும், கொண்டாட்டமும் ஆண்டு முழுவதும் நீடிக்க வேண்டும். அந்த அளவுக்கு அவர்களின் வாழ்க்கைத்தரம் உயர வேண்டும். மக்கள் வாழ்வில் துன்பங்கள் நீங்கி, இன்பங்கள் பெருக வேண்டும். மக்களிடையே அன்பு, நட்பு, நல்லிணக்கம், சகோதரத்துவம் ஆகியவை மலர வேண்டும்; நாட்டில் அமைதியும், வளமும், மகிழ்ச்சியும் பெருக வேண்டும் என வாழ்த்துகிறேன்.
Message image
AnbumaniRamadoss.in
4th of November 2018 10:29 AM
காவிரி டெல்டா பகுதிகளை பாதுகாக்கப்பட்ட வேளாண் மண்டலமாக அறிவிக்க ஒன்றுபட்டு போராடுவோம்.
#ProtectedAgriculturalZone #CauveryDeltaRegion
AnbumaniRamadoss.in
3rd of November 2018 03:53 PM
பாட்டாளி மாணவர் சங்க புதிய நிர்வாகிகள் அறிமுக மற்றும் பொதுக்குழு கூட்டம் இன்று சென்னையில் உள்ள அண்ணா அரங்கத்தில் நடைபெறுகிறது.
#PMKStudentsUnion #பாட்டாளிமாணவர்சங்கம்
Message image
AnbumaniRamadoss.in
3rd of November 2018 02:29 PM
Press Meet
AnbumaniRamadoss.in
3rd of November 2018 01:13 PM
பாட்டாளி மாணவர் சங்க புதிய நிர்வாகிகள் அறிமுக மற்றும் பொதுக்குழு கூட்டம் இன்று சென்னையில் உள்ள அண்ணா அரங்கத்தில் நடைபெறுகிறது.
#PMKStudentsUnion #பாட்டாளிமாணவர்சங்கம்
AnbumaniRamadoss.in
1st of November 2018 08:49 PM
காவிரி உபரி நீரை தருமபுரி மாவட்டத்தில் உள்ள ஏரி குளங்களில் நிரப்பக்கோரி 10 லட்சம் பேரிடம் கையெழுத்து பெறும் இயக்கத்திற்கான மாபெரும் பிரச்சார பொதுக்கூட்டம் இன்று தருமபுரி மாவட்டம், காரிமங்கலத்தில் நடைபெறுகிறது. #Dharmapuri #MyConstituency
Message image
AnbumaniRamadoss.in
1st of November 2018 01:21 PM
இரண்டாம் நாளாக, காவிரி உபரி நீரை தருமபுரி மாவட்டத்தில் உள்ள ஏரி குளங்களில் நிரப்பக்கோரி 10 லட்சம் பேரிடம் கையெழுத்து பெறும் இயக்கத்திற்கான பிரச்சார கூட்டம், தருமபுரி மாவட்டம், பாப்பாரப்பட்டியில் முடித்துவிட்டு, பொதுமக்களிடம் கையெழுத்து வாங்கப்பட்டது. #Dharmapuri #MyConstituency
Message image
AnbumaniRamadoss.in
1st of November 2018 12:37 PM
இரண்டாம் நாளாக, காவிரி உபரி நீரை தருமபுரி மாவட்டத்தில் உள்ள ஏரி குளங்களில் நிரப்பக்கோரி 10 லட்சம் பேரிடம் கையெழுத்து பெறும் இயக்கத்திற்கான பிரச்சார கூட்டம் இன்று தருமபுரி மாவட்டம், பாப்பாரப்பட்டியில் நடைபெறுகிறது. #Dharmapuri #MyConstituency
Message image
AnbumaniRamadoss.in
1st of November 2018 11:51 AM
"ஊராட்சிகளில் பல்லுயிர் குழுக்கள்! 2016-ல் பிரச்சாரம்: 2018-ல் நீதிமன்றம் உத்தரவு!"

உயிரியல்பன்மய வளத்தை பாதுகாத்து பயன்படுத்தும் வகையிலும், பசுமை பகுதிகளை பாதுகாக்கக் கோரி - சட்டப்படி பல்லுயிர் மேலாண்மை குழுக்கள் அமைக்க வேண்டும் எனவும், மரங்கள் ஆணையம் அமைக்க வேண்டும் எனவும் வலியுறுத்தி 2016 ஆம் ஆண்டில் பசுமைத் தாயகம் அமைப்பு தமிழ்நாடு முழுவதும் பிரச்சாரம் செய்தது.

சென்னையில் நடைபெற்ற பிரச்சார நிகழ்ச்சியில் நான் பங்கேற்று அரசுக்கு கோரிக்கை வைத்தேன். தமிழ்நாடு முழுவதும் அரசுக்கு நூற்றுக்கணக்கான கோரிக்கை மனுக்கள் அனுப்பப்பட்டன.

இந்நிலையில், சேலம் - சென்னை எட்டு வழிச்சாலைக்கு எதிராக நான் தொடுத்த வழக்கில்: பல்லுயிர் மேலாண்மைக் குழுக்களோ, அவற்றால் உருவாக்கப்படும் பல்லுயிர் பதிவேடுகளோ இல்லாமல் எட்டுவழிச் சாலையால் ஏற்படும் பாதிப்புகளை எப்படி அறிய முடியும் என சென்னை. உயர்நீதிமன்றம் கேட்டுள்ளது. பல்லுயிர் மேலாண்மைக் குழுக்களையும், மரங்கள் ஆணையத்தையும் அமைக்க வேண்டும் என்று உயர்நீதிமன்றம் ஆணையிட்டிருக்கிறது.
Message image